ગુડ ટચ બેડ ટચ, મહિલાલક્ષી યોજનાકીય માહીતી,આરોગ્ય અને પોષણ તેમજ પૂર્ણા શક્તિ યોજનાઓ અંગે માહિતી અપાઈ ભરૂચ – મંગળવાર – મહીલા અને બાળ અધિકારીની કચેરી ભરૂચ દ્વારા કાર્યરત સંકલ્પ હબ ફોર એમ્પાવરમેન્ટ ઓફ વુમનના નેજાહેઠળ અંકલેશ્વર તાલુકાના ઉમરવાડા ગામ ખાતે ૨ દિવસીય સમર કેમ્પનું આયોજન કરવામાં આવ્યું હતું આ સમર કેમ્પમાં સંકલ્પ હબ દ્વારા દીકરીઓને ગુડ ટચ બેડ ટચ, મહિલાલક્ષી તમામ સેન્ટરોના હેલ્પલાઈન, યોજનાકીય માહીતિ તેમજ પૂર્ણા કન્સલ્ટન્ટ દ્વારા આરોગ્ય અને પોષણ તેમજ પૂર્ણા શક્તિ યોજના અંગે વિસ્તૃત માહિતી આપવામાં આવી હતી.
દીકરીઓને જ્ઞાન સાથે ગમ્મત મળે તે હેતુથી અલગ- અલગ પ્રકારની રમત રમાડવામાં આવી હતી તેમજ ૫ જુન વિશ્વ પર્યાવરણ દિવસની ઉજવણી નિમિતે દીકરીઓ દ્વારા જાગૃતતા રેલી કરી અને વૃક્ષારોપણ કરી પર્યાવરણ જાળવણીની અપીલ કરી હતી. આ સમર કેમ્પમાં ગામના સરપંચશ્રી ઈમ્તિયાઝ, તાલુકા પંચાયત સભ્યશ્રી સુરેખાબેન, પાપા પગલી જિલ્લા કો ઓર્ડિનેટર હેમાંગીની બેન , પૂર્ણા કન્સલ્ટન્ટ પાયલબેન, મુખ્ય સેવિકા કુલસુમ બેન DHEW ટીમમાંથી જેન્ડર સ્પેશિયાલિસ્ટ વર્ષા ગોહિલ અને શેતલ સોલંકી તથા આંગણવાડી કાર્યકર બહેનો ઉપસ્થિત રહ્યા હતા.
Author: Saddam Bhatti
Owner Of Digitalyugnews.com સમાચાર તેમજ જાહેરાત માટે સંપર્ક કરો 9723530092, 9510004755
