વિદેશની ધરતી પર ભરૂચનું નામ રોશન કરનાર યુ.કે.ના એમ.પી. ઈક્બાલહુસૈનનું ટંકારીઆ ખાતે સન્માન કરાયું હતું.સમસ્ત ભરૂચ જિલ્લા વતી સન્માનપત્ર અને શાલ અર્પણ કરી ભાવભર્યું બહુમાન કરવામાં આવ્યું હતું.
વિદેશની ધરતી પર ભરૂચ જિલ્લાનું નામ રોશન કરનાર અને યુનાઇટેડ કિંગડમ (UK)ની સંસદના સભ્ય (MP) તરીકે ચૂંટાયેલા ઈક્બાલહુસૈનના વતન આગમન પ્રસંગે ટંકારીઆ ખાતે તેમનું ભવ્ય અને ભાવભર્યું સન્માન કરવામાં આવ્યું હતું. સમસ્ત ભરૂચ જિલ્લાના લોકો વતી તેમના નિવાસસ્થાને વિશેષ સન્માન સમારંભનું આયોજન કરવામાં આવ્યું હતું.
આ ગૌરવપૂર્ણ પ્રસંગે ભરૂચના જાણીતા સામાજિક કાર્યકર અબ્દુલ્લાહ કામઠી વિશેષ ઉપસ્થિત રહ્યા હતા. તેમની સાથે ભરૂચ શહેરથી ખાસ પધારેલા અગ્રણી મહાનુભાવો રતિલાલભાઈ અને મુસ્તાક સાપા સહિતના આગેવાનોએ ઉપસ્થિતિ નોંધાવી હતી.સમારંભ દરમિયાન સામાજિક અગ્રણી અબ્દુલ્લાહભાઈ કામઠી દ્વારા સમસ્ત ભરૂચ જિલ્લાના લોકો વતી ઈક્બાલહુસૈનને સન્માનપત્ર અર્પણ કરવામાં આવ્યું હતું.
આ સાથે પરંપરાગત શાલ ઓઢાડી તેમનું ભાવભીનું બહુમાન કરવામાં આવ્યું હતું.આ પ્રસંગે ઉપસ્થિત મહાનુભાવોએ જણાવ્યું હતું કે, ભરૂચ જિલ્લાના વતની દ્વારા વિદેશમાં રાજકીય ક્ષેત્રે નોંધપાત્ર સ્થાન પ્રાપ્ત કરવું એ સમગ્ર ભરૂચ જિલ્લા માટે ગૌરવની બાબત છે. ઈક્બાલહુસૈનની સિદ્ધિને ભરૂચના યુવાનો માટે પ્રેરણારૂપ ગણાવી તેમની સફળતાને બિરદાવવામાં આવી હતી.
સન્માન બદલ ઈક્બાલહુસૈને ભરૂચ જિલ્લાના લોકો, આગેવાનો તથા શુભેચ્છકોનો હૃદયપૂર્વક આભાર વ્યક્ત કર્યો હતો. તેમણે મળેલા સ્નેહ અને સન્માનને પોતાના માટે યાદગાર ગણાવ્યું હતું.સમારંભમાં ટંકારીઆ ગામના ગ્રામજનો ઉપરાંત ભરૂચ જિલ્લાના વિવિધ વિસ્તારોમાંથી આવેલા શુભેચ્છકો અને આગેવાનો મોટી સંખ્યામાં ઉપસ્થિત રહ્યા હતા. સમગ્ર કાર્યક્રમ દરમિયાન ગૌરવ, આનંદ અને આત્મીયતાનો માહોલ જોવા મળ્યો હતો.
અમજદ સૈયદ – ડિજિટલ યુગ
Author: Saddam Bhatti
Owner Of Digitalyugnews.com સમાચાર તેમજ જાહેરાત માટે સંપર્ક કરો 9723530092, 9510004755
