કંસાઈ નેરોલેક પેઇન્ટ્સ લિમિટેડ દ્વારા તેના કોર્પોરેટ સોશિયલ રિસ્પોન્સિબિલિટી એક્ટિવિટી હેઠળ વાગરા પોલીસ સ્ટેશનને ચાર કમ્પ્યુટર સેટ અને યુપીએસ (UPS) અર્પણ કરવામાં આવ્યા છે. વાગરા તાલુકાના લગભગ ૪૫ ગામો અને બે GIDC વિસ્તારોની સુરક્ષાની જવાબદારી સંભાળતા આ પોલીસ સ્ટેશન માટે આ ટેક્નોલોજીકલ અપગ્રેડેશન ખૂબ જ મહત્વપૂર્ણ સાબિત થશે. પોલીસ સ્ટેશનના પોલીસ ઇન્સ્પેક્ટર એસ.ડી ફૂલતરીયા સાહેબે આ CSR પહેલ માટે નેરોલેક કંપનીનો આભાર વ્યક્ત કર્યો હતો. તેમણે જણાવ્યું હતું કે, આ નવા કમ્પ્યુટર્સ પોલીસ વિભાગની દૈનિક કામગીરીને વધુ સરળ અને ઝડપી બનાવવામાં મદદ કરશે. કમ્પ્યુટર અર્પણ કાર્યક્રમ દરમિયાન નેરોલેક કંપનીના CSO પરેશ પટેલ, RM ઇન્ચાર્જ વસંત પરમાર, પ્રોડક્શન ઓફિસર જયેશ પટેલ, એન્જિનિયરિંગ ઓફિસર સાહિલ વાડીવાળા અને પ્રોડક્શન ઓફિસર જયદીપ પટેલ સહિતના અધિકારીઓ ઉપસ્થિત રહ્યા હતા.
આ ઉપરાંત વાગરા પોલીસ સ્ટેશનના હેડ કોન્સ્ટેબલ વિપુલભાઈ અને અન્ય પોલીસ સ્ટાફ પણ આ પ્રસંગે હાજર રહ્યા હતા. કંસાઈ નેરોલેક પેઇન્ટ્સ લિમિટેડ દ્વારા સમાજ પ્રત્યેની પોતાની જવાબદારી નિભાવીને કરવામાં આવેલી આ પહેલ સમાજ અને ઉદ્યોગો વચ્ચેના સહયોગનું ઉત્તમ ઉદાહરણ પૂરું પાડે છે. આ પ્રકારના સહયોગથી સરકારી વિભાગોની કાર્યક્ષમતામાં વધારો થઈ શકે છે. જે આખરે સમગ્ર સમાજને લાભદાયક બને છે.
કંસાઈ નેરોલેક પેઇન્ટ્સ લિમિટેડ દ્વારા હાથ ધરવામાં આવેલી આ પહેલ CSR પ્રવૃત્તિઓ પ્રત્યે કંપનીની પ્રતિબદ્ધતાને દર્શાવે છે. નોંધનીય છે કે, સાયખા સ્થિત આ કંપની દ્વારા સમયાંતરે પ્રજાના હિતમાં અનેકવિધ વિકાસ કાર્યો હાથ ધરવામાં આવે છે. કંપનીએ અત્યાર સુધીમાં અનેક જગ્યાએ બાગ-બગીચા, વોકવે, પાણીની ટાંકી, લોખંડના શેડ, વોટરપ્રૂફિંગની કામગીરી અને પેઇન્ટિંગ જેવા કાર્યો દ્વારા સમાજને સીધો લાભ પહોંચાડ્યો છે. આ ઉપરાંત, શૈક્ષણિક કીટ વિતરણ જેવી પહેલો દ્વારા શિક્ષણ ક્ષેત્રે પણ કંપની પોતાનું યોગદાન આપી રહી છે. આ પ્રકારના સતત સામાજિક કાર્યોથી કંસાઈ નેરોલેક પેઇન્ટ્સ લિમિટેડ સમાજ અને ઉદ્યોગ વચ્ચે મજબૂત સંબંધો સ્થાપિત કરી રહી છે, જે ભવિષ્યમાં વધુ સકારાત્મક બદલાવ લાવવા માટે પ્રેરણાદાયક છે.
ડિજિટલ યુગ ન્યૂઝ વાગરા
Author: Saddam Bhatti
Owner Of Digitalyugnews.com સમાચાર તેમજ જાહેરાત માટે સંપર્ક કરો 9723530092, 9510004755
