નવ રાજ્યોમાં યોજાયેલ તુફાન ફૂટબોલ ટુર્નામેન્ટ વરાણસી ખાતે યોજાઈ હતી. જેમાં ભરૂચ જિલ્લાના જંબુસર તાલુકાની દીકરીઓએ વિજય મેળવી ભરૂચ જિલ્લાનું નામ રોશન કર્યું છે. પ્રોજેક્ટ નન્હી કાલી, ભારતમાં વંચિત છોકરીઓના શિક્ષણને આગળ વધારવા માટે સમર્પિત છે. સંસ્થા તેના 27 વર્ષના અસ્તિત્વ દરમિયાન, પ્રોજેક્ટ નન્હી કાલીએ ભારતના 15 રાજ્યોમાં 550,000 થી વધુ છોકરીઓ, જેમને પ્રેમથી નન્હી કાલી તરીકે ઓળખવામાં આવે છે, તેમના જીવનને પ્રભાવિત કર્યું છે. આ પહેલ દૂરના ગ્રામીણ વિસ્તારોથી લઈને આદિવાસી સમુદાયો સુધી ફેલાયેલી હાંસિયામાં રહેલી પૃષ્ઠભૂમિની છોકરીઓને લક્ષ્ય બનાવે છે, જેનો હેતુ અવરોધોને દૂર કરવાનો અને પ્રગતિ માટે તકો ખોલવાનો છે.
પ્રોજેક્ટ નન્હી કાલી માત્ર શૈક્ષણિક સુધારણા પર ભાર મૂકે છે એટલું જ નહીં પરંતુ નન્હી કાલીઓમાં આત્મવિશ્વાસ અને સ્થિતિસ્થાપકતાને પણ પ્રોત્સાહન આપે છે. સમુદાયના જોડાણ દ્વારા, આ પ્રોજેક્ટ છોકરીઓના સર્વાંગી વિકાસ માટે અનુકૂળ વાતાવરણ બનાવે છે. પ્રોજેક્ટ નન્હી કાલી એક સંરચિત રમતગમત અભ્યાસક્રમને એકીકૃત કરે છે જેથી નન્હી કાલીઓને નિયમિત શારીરિક પ્રવૃત્તિઓ અને રમતગમતના કાર્યક્રમોમાં ભાગ લેવા પ્રોત્સાહિત કરી શકાય, જે એકંદર તંદુરસ્તી અને સુખાકારીને પ્રોત્સાહન આપે છે. જે અંતર્ગત વારાણસી ખાતે નવ રાજ્યમાં રમાયેલી તુફાન ફૂટબોલ ટુર્નામેન્ટનું ભવ્ય આયોજન કરવામાં આવ્યું હતું. જેમાં ભરૂચ જિલ્લાના જંબુસર તાલુકાની દિકરીઓએ મેદાન માર્યું હતું. ફાઇનલ મેચમાં જંબુસર તાલુકાના પીલુદ્રા ગામની દીકરીઓએ વિજય મેળવી જિલ્લાનું ગૌરવ વધાર્યું હતું. જે બદલ પીલુદ્રા ગામની દીકરીઓ સહિત તેઓના કોચને પણ ચોમેરથી અભિનંદનની વર્ષાઓ થઈ રહી છે.
સદ્દામ બી. ભટ્ટી ડિજિટલ યુગ ન્યૂઝ, જંબુસર
